GINAPAHIBALO sa Gensan Water District nga aduna silay water interruption Hunyo 1 sa kasamtangan nga tuig.
Sa anunsyo nga gihimo ni Water District Assistant General Manager Francisco Alolod sa 89.5 Brigada News FM Gensan usa hangtud tulo ka oras ang water interruption June 1, 2023.
Ang rason niini kay aduna silay ayuhon nga 1,500 cubic meters nga tangke sa tubig kon tank reservior sa area sa SM Village, Brgy. Sinawal, gumikan adunay tagas.
Ang lugar nga maapektuhan mao ang Dona Soledad Phase 1, Purok Balunto, Labangal, Purok Roberto Labangal, Barangay Hall sa Labangal.
Lakip sa maapektuhan ang KPS,ug Purok San Vicente Labangal, samtang ginalauman nga mohinay ang tubig sa NLSA Lagao ug Barangay City Hieghts.
Tungod niini ginapanawagan ang mga katawhan sa lugar nga magtigum ug tubig bag-o ang gitakda nga repair sa tangke. I Ver Diazon
