NAKURATAN ang mga lumuplupyo sa Yanson Village ug Nursery Road, Lagao human nakadungog og sunod sunod nga mga boto sa armas pasado alasy 7 sa buntag Desyembre 17, 2021.
Sumala kay Jing dili tinuod nga pangalan samtang anaa siya sa ilang balay nakadungog siya og pito ka boto sa armas gikan sa dalang Favian Natad Sr. Road ug sa iyang pag tan-aw aduna nay motorista nga nahagba sa kalsada, wala na daw niini nakita ang namusil sa biktima.
Samtang ang laing tagbalay sa atbang nga nagpailang si Allan sumala niini nga anaa sa unom ka boto sa armas ang iyang nadunggan unya sa iyang paggawas nakita niini ang biktima nga natumba na sa motor ug may mga samad pinusilan.
Sa impormasyon nga iyaha usab nga nakuha sa unang nakamatikod duha daw ka tawo nga sakay sa Supremo kolor pula nga motorsiklo ang nakita nga palayo sa lugar human sa mga boto sa armas.
Dali usab nga nakarespondi ang kapulisan sa Lagao ug gi-cordon ang crimescene aron maproseso sa taga Soco, samtang wala na gidala sa tambalanan ang biktima nga wala dayon nakaila nga residente, makita usab nga anaa sa lawas ang mga samad niini.
Sa unang paghulagway sa biktima usa kini ka lalaki nga naka helmet ug itom, naka itum og jacket, pink og sanena ug maong ang pantalon, unya naka tsenilas, samtang ang iyang motorsiklo kolor pula ang tangke ug kolor itum ang side cover ug ang bangko may plaka nga 708MPP. I Ver Diazon
