NAGLAOM ang Department of Health (DOH) 12 nga makab-ot ang population protection batok Covid-19 bag-o mahuman ang tuig.
Kini luyo sa wala pa pagkab-ot karon sa rehiyon atleasy 70% sa population protection.
Asa labing ulahing datus sa ahensiya, gikan sa 3 milyon katao nga punting mabakunahan naa pa lang sa 1 milyon kapin ang fully vaccinated.
Ang datus nga gipagula sa DOH-12 ang human sa 3-day national vaccination program atong Nobyembre 29 hangtud Dec 01.
Una nang, giangkon ni Arjohn Gangoso, tigpamaba sa DOH-12 nga daghan og indibidwal ang dili gihapon buot magpabakuna.
Tungod sa nagkadaiyang rason sama na lang sa relihiyon, dunay gihambin nga sakit ug kahadlok sa epekto sa bakuna.
Apan subling gipasalig ni Gangoso nga luwas ang bakuna nga giaprubahan sa gobyerno nga gamiton sa publiko.
Tumong sa bakuna sumala pa ang mahatagan og proteksyon ang lawas batok sa Covid-19 labi na nga dunay bahad sa mas makatakod nga Omicron variant. I Richel Gubalani
