LEGAZPI CITY – Tinawan-doon kan Legazpi PNP na an mga lugar na ibinugtak sa red asin orange category para sa maabot na eleksyon, bako boot sabihon na dapat katakutan.
Segun kay Legazpi PNP Chief of Police PLt. Col. Jun Iaan Rojas, an pagdedeklarar ninda kan mga lugar na ini nganing matawan ki prayoridad.
Wara su boot na intensyon an mga otoridad na takuton an ibang mga tawo na an mga lugar na nasa irarom kaini, mga delikado asin dai dapat na dumanan.
Dugang pa ni Rojas, importante kaya na bantayan an mga lugar na ini asin tawan ki atensyon para naman sa kaligtasan kan mga tawo.
Mientrastanto, ibinugtak sa orange category an mga minasunod na barangay sa syudad: Taysan, Homapon, Banquerohan, Mariawa asin Bariis, mantang solamenteng ang Brgy. Cagbacong sana an nasa irarom kan red category.
