KALIBO, AKLAN — Ginhambaean makarun it Aklan Provincial Health Office (PHO) ro mga LGU’s nga iseparar anay ro mga nagmayad eon sa delta variant nga daea it covid-19.
Raya hay para uman nga ipaidaeum ro mga raya sa RT-PCR testing.
Nasayuran nga ku Agosto 23 hay gin-presenta it PHO ro 21 nga nagpositibo sa delta variant it covid-19 iya sa Aklan.
Bisan nakarekober eon ro 20 nga nagpositibo, uman ro mga raya nga iga-quarantine agud ma-evaluate it infectious disease specialist it probinsya kung mataas o manaba ro concentration it virus, ag kung makataeapon raya o bukon base sa cycled threshold value.
Samtang, kinumpirma it PHO-Aklan nga sa ‘moderate’ classification ro Aklan bangud nagnaba eon ro kaso it covid-19. / ANN DESLENE SALAZAR
