GITIMBAYA sa mga konsehal sa Gensan ang Brigada Group sa pag-abot niini sa ika-17 ka tuig nga paghatag og serbisyo ug inspirasyon sa katawhan.
Dungan kini sa paghatag og recognition sa Sangguniang Panlungsod sa Brigada atol sa 16th regular session adlawng Martes, Nobyembre 15.
Alang kang Kagawad Dominador Lagare Jr. nga mapasalamaton nga usa sa nahimong kanunayng maimbitahan sa Brigada sa telebisyon ug radyo alang sa mga isyu sa syudad.
Lakip nagtimbaya si Kagawad Lourdes Casabuena ngadto ni Brigada President/CEO Elmer V.Catulpos sa kahigayunan nga sila ang magka-istorya ug magbinayloay og mga panglantaw sa kinabuhi.
Gitimbaya usab ni Kagawad Jonathan Blando ang tanang empleyado sa Brigada ug magtiayong Catulpos sa kamugnaan sa Brigada ug gipanghinaut ang pagpadayun sa serbisyo alang sa kamatuoran.
Si Kagawad Virgie Llido usab mapasalamaton sa magtiayong Catulpos nga iyang nakauban panahon sa pagpangampanya, ug gidayeg ang kamaayo sa mga nahisgutan ug sa mga empleyado.
Alang usab kang Kagawad Atty.Kan Balleque nga dako ang iyang pagpasalamat sa magtiayong Catulpos sa ilang kabuotan ug pagkamaginhatagon, ug kung dili matud pa tungod kanila, dili siya makalingkod sa konseho.
Gidawat ni Assistant General Manager sa Brigada Mass Media Corporation, Erine Gale Dejecacion ang Certificate of Commendation ug hugot niyang gipasalamatan ang konseho sa paghatag og pag-ila sa Brigada Group.
