CAMARINES NORTE – Inisa- isa ng Department of Environment and Natural Resources (DENR) ang mga kinakaharap na hamon sa Bicol River Basin (BRB) sa pagharap ng mga kinatawan ng ahensiya sa regular na sesyon ng Sangguniang Bayan ng Basud noong Lunes kung saan iprinesenta ang Climate Change Responsive Integrated Bicol River Basin Management and Development Master Plan.
Kabilang dito ay ang kahirapan sa uplands, natural disasters, forest cover loss, constrained agricultural production, pagbaba ng mga nahuhuling isda sa mga ilog at lawa at marami pang iba.
Saklaw ng BRB ang 42 munisipyo na kinabibilangan ng tatlo mula sa Camarines Norte, ang Basud, San Lorenzo Ruiz at Mercedes, 5 lungsod at mahigit 900 Barangay na sakop ng Camarines Sur, hilagang bahagi ng Albay, central portion ng Camarines Sur at bahagi ng Camarines Norte.
Ipinaliwanag ng ahensiya ang kahalagahan na magpatupad ng conservation and management interventions sa loob ng ating watershed.
Ilan lang sa mga layunin ng binalangkas na master plan ay mabawasan ang kahirapan sa loob ng BRB, mapaganda ang economic at social well- being ng mga residente, ma- improve at mas maprotektahan ang conserved forest resources kasama ang biodiversity at mabawasan ang panganib ng climate change.
