Iniutos ng city government ang paglalagay ng pulang watawat o red flag sa mga kalye ng olongapo na may nakatirang positibo sa corona virus disease.
Ito ay para bigyan ng babala ang mga residente na iwasan ang pakikihalubilo sa mga kapitbahay dahil sa posibilidad na mahawaan.
Ayon kay ABC Pres.Randy Sionzon, sumang-ayon ang lahat ng kapitan sa kautusan kaya inaasahang makikita ang mga red flag sa ilang kalye ng lungsod simula ngayong araw.
Kaugnay nito, nilinaw naman na hindi sa mismong bahay ng pasyente ilalagay ang red flag para maiwasan ang disrikimasyon.
Matatandaan, una nang nagkabit ng mga pulang watawat noon sa ilang barangay pero itinigil nang bahagyang bumaba ang kaso ng covid-19 sa lungsod.//Christian Andres-BNFM OLONGAPO
Photo for Illustration Purposes Only
