Gilauman nga makadawat ang mga Job Order sa Kagamhanan sa Dakbayan sa Sugbo og tag 5,000 mil ka pesos isip ilang Gratuity Pay.
Sa pagkakarun, gihuwat nalang nga ma-aprobahan sa Konseho sa Kagamhanan sa Dakbayan sa Sugbo ang ordinansahon kabahin sa guidelines nga maoy basihan sa pagpang release sa maong Gratuity Pay alang sa mga Job Order Employee sa Cebu City Government.
Gipasalig ni Henry Tomalabcad, kinsa mao ang labaw sa Human Resource Development Office nga aprobado na ang supplemental budget nga gigahin alang sa mga Job Order sa Kagamhanan sa Dakbayan sa Sugbo.
Sa milabay nga adlaw, gi-approbahan sa Konseho sa Kagamhanan sa Dakbayan sa Sugbo ang ikaduhang pagbasa sa ordinansahon kalabot sa guidelines nga mao ang subayon sa paghatag sa Gratuity Pay.
Samtang misugyot sab ni Tomalabcad ngadto sa mga empleyado sa Cebu City Hall nga dili ihurot sa pagasto ang ilang nadawat nga mid year bonus, tambag niya nga magtigom o kaha binlan kini og igong kantidad nga magamit sa umaabot.//
