ILOILO CITY — Gina-require it Iloilo City Government nga magpa RT-PCR test ro mga inbound travelers sa guwa it Western Visayas sa andang pag abot sa Iloilo City.
Base sa pamunuan it Covid-19 Team sa Iloilo, magiging mandatory eon raya kung may executive order nga igapaguwa ro Iloilo City Government.
Pero mintras nga owa pa it EO, nagahinyo anay ro syudad sa mga inbound travelers partikular eon ro mga nagahalin sa NCR, Cebu ag Boracay nga magpaidaeum sa nasambit nga test, bakunado man o bukon.
Ginhayag nga ro nasambit nga tikang hay kaparte it pagpahaum it syudad kontra sa omicron variant. / ANN DESLENE SALAZAR
