Inatasan ni Pangulong Bongbong Marcos ang lahat ng ahensya, departamento, at bureaus ng gobyerno, kasama na ang mga government owned and controlled corporation o GOCC na i-adopt ang National Anti-Money Laundering, counter terrorism financing at counter proliferation financing strategy o ang NACS 2023-2027.
Sa bisa ito ng executive order no. 33 na nilagdaan ni Executive Secretary Lucas Bersamin.
Kasunod ito ng pag expire ng NACS para sa taong 2018-2022.
Ang pag adopt sa NACS 2023-2027 ay para tugunan ang International Cooperation Review Group action plan, para maka alis na ang bansa sa grey list ng Financial Action Task Force o FATF.
kasabay nito ang pag buo ng National Anti Money Laundering Counter terrorism Financing Committee, kung saan tatayong chairman ang Executive Secretary.
Kasama naman sa mga myembro ang heads ng DFA, DOJ, DOF, Department of National Defense, DTI, DILG, Securities and Exchange Commission.
Gayundin ang PAGCOR at mga economic zone.
Idinagdag na rin sa myembro ang National Intelligence Coordinating Agency o NICA base sa mandato nito sa intelligence gathering.
