Uman eonman nga naapektuhan ro mga establisyemento eabi eon ro mga trabahador sa isla it Boracay bangud sa padayun nga pagnaba it numero it tourist arrivals sa isla.
Nasayuran nga pila sa mga establisyemento sa Boracay hay temporaryo eonman nga nagsara bangud owa haeos it bisita bangud sa hugot nga travel restrictions.
Ku rayang buean eang it Enero hay nagaabot eamang sa 400 kada adlaw ro mga bakasyunista.
Apektado man ro pilang aktibidad sa isla kaparehu it water sports activities.
Matandaan nga sa idaeum gihapon it Alert level 3 ro Aklan rasun nga kinhangean gihapon nga magpakita ro magasueod sa Boracay it andang RT-PCR test result. / ANN DESLENE SALAZAR
