WALAY madawat nga extra bonus ang mga empleyado sa Local Government Unit sa General Santos City sa tuig 2023 gumikan sa kakulang sa pondo.
Sumala sa City Budget Officer nga si John Quimosing naghatag na sila sa ilang pagpasabot human sa Flag Ceremony sa Oval Gymnasium adlaw nga Martes Disyembre 26.
Sumala kay Quemosing nga gipasabot usab sa Internal Auditor ang ubang mga rason luwas nga walay legal basis ug gipa undang na sila sa paghatag niini.
Sa bana-bana ni Quemosing naa usab sa P53-M ang magahin sa syudad kon mohatag og tag P20,000 sa kapin duha ka libo nga Regular nga mga empleyado.
Sumala usab sa Vice President sa Unyon nga si Harold Aponesto nga nakasabot sila sa mga rason ug nagapasalamat sila sa ilang nadawat nga upat ka bonus unya gift pack.
Samtang gipaboran sa usa ka driver nga si Proxie Bancola ang dili paghatag sa extra bonus aron dili mahurot ang pondo sa lokal nga gobyerno. I Ver Diazon
