NAGAPANGANDAM na karon ang Business Permits and Licenses Division kon BPLD sa renewal period sa tuig 2024.
Sumala kay Licensing Officer IV Geraldine Zamora nga online gihapon ang proseso sa renewal sa Business Permit unya aduna na silay panagtagbo sa mga bookeepers nga tig proseso og daghan nga Business Permits.
Subay sa datus sa BPLD adunay 11,152 ang na renew nga permit sa 2023, samtang1,506 ang new ug sa katibuk-an adunay 12,658 ka permit ang na isyu sa 2023 lampas sa 10,000 nga target.
Sumala sa kanunay mauna sa proseso sa renewal nga si Wilfredo Grandeza, Grand Master sa usa ka Korean Martial Arts sa Gensan nga andam na siya sa renewal ug nakita daw niini nga adunay maayong indikasyon ang paglampas sa target sa BPLD sa pagbangon sa ekonomiya sa Gensan. I Ver Diazon
