Pinayuhan ng Department of Environment and Natural Resources ang mga taong dumagsa noong weekend sa Dolomite beach na mag-self quarantine.
Ayon kay DENR Undersecretary Benny Antiporda mas mabuting imonitor ng mga pumunta sa beach ang kanilang mga sarili.
Ito ay kasunod ng pangamba na baka maging super spreader ang pagdagsa ng mga local tourist sa Manila Bay noong weekend.
Batay sa taya ng Manila Police district, tinatayang nasa 65,000 katao ang pumunta sa artificial white sand noong linggo.
Tiniyak naman ng DENR na magtatakda sila ng mga bagong panuntunan upang maiwasan na maging source ng hawaan ng COVID-19 ang pagpunta sa Dolomite beach.
