Haum eon ru mga doctors ag nurses nga maga himo it circumcision sa Dr. Ramon B. Legaspi, Sr. Memorial Hospital makarong adlaw, July 29, alas 8:00am.
Gina expekta nga maga adto sa venue ru mga solterito kaibahan ru parents o guardian sa lugar para mag-iba sa mga beneficiaries.
Handa man eon ru mga empleyado it BRIGADA News FM Kalibo sa pagdumaea ni Station Manager Joemer A.Soriano sa pagtuman it nasambit nga aktibidad.
Raya hay synchronized activity it BRIGADA GROUP OF COMPANIES sa bilog nga nasyon bilang pag balik tan-aw ag pagpasaeamat sa mga Aklanon nga mga inunga halin sa childhood paadto sa adulthood.
Kinahangean nga mag adto sa venue bago ru takna nga oras para sa screening ag ipakita ru ID o birth certificate it unga para ma double check sa official listing.
Samtang, mabahoe man ru pagpasaeamat it BRIGADA News FM Kalibo sa mga nagbulig para matigayon ru nasambit nga activity.//MARIVIC Y. ILIN
