Opisyal nang inilabas ng UAAP ang performance order ng mga unibesidad na kalahok sa cheerdance competition ngayong taon.
Pangungunahan ito ng UE Pep Squad at susundan ng defending champion na NU Pep Squad, Ateneo Blue Battalion , Adamson Pep Squad, UP Pep Squad, DLSU Animo Squad, FEU Cheering Squad, at UST Salinggawi Dance Troupe.
Gaganapin ang UAAP Cheerdance Competition sa Mall of Asia Arena sa December 2, na inaasahang dadagsain ng mga fans.
Layunin ng National University (NU) na manatiling nasa tuktok kahit na umalis na sa kanilang team ang multi-titled head coach na si Ghicka Bernabe.
