Nagpadumdom makarun ro LGU Kalibo sa mga deboto, ag mga turista nga sundon ro mga Ordinansa nga igapatuman sa nagahilapit nga Kalibo Sr. Sto. Nino Ati-Atihan Festival 2024.
Sa sesyon it Sangguniang Bayan it Kalibo, ginpasa ro sangka Resolusyon para sa General Services Division it LGU kaangot sa implementasyon it Ordinansa nga nagabawae sa pagpilak it mga basura sa mga pampublikong lugar ag sa bukon it designated nga Disposal Site sa mga karsada it Kalibo.
Ginpaabot ni SB Member Christine dela Cruz nga maabung Ordinansa ro ginapatuman ag nasusunod it mga naga pamiesta pero ro ordinansa kaangot sa tamang pagpilak it basura hay owa masyadong naipapatuman ag nasusunod ngani umapela sa Municipal General Services Office nga ipatuman raya sa Ati-Atihan Festival. // ANN DESLENE SALAZAR
