Nagpaguwa it mga tikang para maging opisyal ro pagpa eupad it mga Remotely Piloted Aircraft RPA o ginatawag nga Drone sa panahon it selebrasyon it Kapiestahan ni Sr. Sto. Niño sa Enero 2024.
Sa Facebook Page it Kalibo Ati-Atihan Festival Board KAFEB, gin anunsyo nga umpisa sa Disyembre 27 pwede eon nga makabuoe it permit sa Kalibo Tourism Office para makapag paeupad it drone.
Ro mga proseso ag kinhangeanon nga papeles sa pagpa-rehistro hay ro mga masunod:
- Letter of Intent nga naka-address sa Director General it Civil Aviation Authority of the Phils. CAAP kay Captain Manuel Antonio L Tamayo.
- Ibutang ro intensyon sa pagpa eupad it Drone, ag kung hin-uno ro adlaw ag petsa it pagpa eupad, ag kung ano kabuhay raya sa kahawaan.
- Kinhangean nga indi maglagpas sa 400 feet Above Ground Level AGL, ro coordinates it Fly Zone nga may kaeakip nga litrato it Fly Zone gamit ro Goggle Map.
- Pangaean it drone operator ag kung may certification ag kung anong klase, model, serial number it drone nga may kaeakip nga litrato. // ANN DESLENE SALAZAR
