BICOL—Umaabot na sa kabuuang 493,616 na indibidwal ang completely vaccinated laban sa COVID-19 sa Bicol region.
Base ito sa pinakahuling Vaccine Statistics na inilabas ng Department of Health Bicol Center for Health Development (DOH-CHD) kahapon, Setyembre 10. 258,812 ang mga nakatanggap na ng second dose ng bakuna habang 234,804 ang mga naturukan ng one shot Janssen vaccine.
Umaabot naman sa 471,364 ang mga nabakunahan sa first dose kung kaya sa kabuuan, mayroon nang 964,980 doses ng COVID-19 vaccines ang naibakuna sa iba’t-ibang priority groups.
Katumbas ito ng 75% ng nasa 1,287,230 doses ng mga bakunang natanggap ng Bicol region.
Mula A1 hanggang sa Other priorities, nasa 16% na ng target ang nababakunahan habang 11% na ang fully vaccinated.
Sa A1 o mga health workers, 158% na ang fully vaccinated, 43% naman sa A2 o mga senior citizen, 37% sa A3 o individuals with comorbidity, 1% sa A4 o mga uniformed personnel at 0.10% sa Other priorities.### || slm
