BICOL—Kinumpirma ng Albay Provincial Health Office (PHO) na nasa 21% pa lang ng target population sa lalawigan ang completely vaccinated laban sa COVID-19.
Katumbas ito ng 160,728 na indibidwal sa kabuuang 987,000 na target mabakunahan upang makamit ang herd immunity.
Base sa tala, 51,675 na ang mga completely vaccinated sa A1 category o mga health workers; 51,675 rin sa A2 o mga senior citizen; 50,985 sa A3 o individuals with comorbidity at 21,000 sa other priority groups.
Samantala, umaabot rin sa 150,000 na mga indibidwal sa lalawigan na naturukan ng first dose ang naghihintay ng second shot ng bakuna. Inaasahang magtutuloy-tuloy ang vaccination rollout upang makamit ang herd immunity basta tuloy tuloy din ang pagdating ng mga bakuna.
Mababatid na tumaas nang muli ang mga kaso ng COVID-19 na naitatala sa Albay kung saan sa huling ulat kahapon, ang lalawigan ang pangalawa sa may pinakamataas na bagong kaso sa Bicol na umabot sa 81.###
