Nagpaambit sa ilang nagkadaiyang kasinatian ang mga Community Officers sa KaBrigadahan sa dihang sila ang gipasulti atol sa programang Brigadahan nga gipangunahan ni Idol Brigada Elmer Catulpos ug Atty. Kan Balleque.
Lakip sa mga nasinitain sa pila ka mga community officer ang ilang gibati nga kalipay nga nahimong maayo ang tubag sa ilang mga miyembro aron usab nga makatabang sa ilang isig ka miyembro.
Sa bahin ni CO Gaspar Escabarte sa Carcon Village, Lagao, giangkon niini nga sa sinugdanan dunay nahitabong pakigbisog tungod kay dili pa mo-tuo ang uban apan sa kinaulahian may mga mi-tuo na og mikabat sa sobra sa 360 na ang iyang miyembro sa ilang lugar.
Sa bahin ni CO Angeles Tinapay nga taga-Dacville, Mabuhay gipamahayag niini nga dunay mipagawas og pulong nga ang maong Brigadahan ang usa ka pamaagi sa eleksyon apan iya dayon kining gitubag sa pag-ingon nga dugay pa ang eleksyon ug ang maong programa ang alang sa hut-ong sa katawhan nga anaa sa ubos.
