Dumating na sa tanggapan ng COMELEC sa Palacio del Gobernador ang mga certificate of candidacy ng mga aspirants para sa 2025 National and Local Elections.
Pasado alas kwatro kaninang madaling araw nang magsimulang magdatingan ang mga COC mula sa iba’t ibang lugar sa bansa.
Unang dumating ang mga COC mula sa Nueva Vizcaya, Apayao, at Pangasinan.
Nadala na rin sa punong tanggapan ng comelec ang mula sa Cordillera Administrative Region, Region 1, 2, 3, 4A at una hanggang ikatlong distrito ng lungsod ng Davao.
Sa ngayon ay tuloy-tuloy ang pagdating ng mga COC mula sa iba’t ibang lugar sa bansa.
