Nanawagan si Pangulong Bongbong Marcos sa mga bansang miyembro ng ASEAN na i-fast track o madaliin na ang ASEAN-China Code of Conduct (COC) sa gitna ng ginagawang aksyon ng China sa South China Sea.
Sa kanyang intervention sa 7th ASEAN-China Summit sa Lao PDR, sinabi ni Pangulong Marcos na dapat magkaroon ng ‘urgency’ para sa pagbalangkas ng COC.
Idiniin ng presidente na ang tensyong ginagawa ng China ay nagpapakita ng patuloy na pambabalewala nito sa international law at standards.
Pagtitiyak ng Pangulo na ang mga insidente ng pag-atake ng China ay hindi napababayaan ng otoridad, maging ng international community.
Magkakaroon din aniya ng agarang hakbang upang maiwasan nang maulit pa ang mga pangha-harass na ito.
