Amat-amat eon nga naga-aeabutan ru mga botante sa mga polling precinct sa pilang ka mga eskwelahan sa banwa it Kalibo makarong BSKE 2023.
Suno kay Maam Abe Joy Isaran, Electoral Board Officer, paga okupahan nga cluster precinct ru 12 ka mga classrooms para sa cluster 17 hasta 28.
Suno kay Isaran, matawhay pa sa makarong agahon ru flow apang amat-amat man eon nga naga-aeabutan ru mga botante sa Kalibo ELlementay School.
Gin hinyo man kara ru mga kandidao mag pila, mag boto ag kun matapos hay eagi nga maguwa sa voting precinct.
Kanya-kanya na sigun nga pag double check it mga botante sa mga listahan it andang mga pangaean nga naka post sa kada pwertahan it polling precinct.
Samtang, preparado eon ru Kalibo Elementary School sa pag baton it mga botante sa makarong tempranong oras.//MARIVIC Y. ILIN
