LEGAZPI CITY – Arestado an sarong misis sa sarong operasyon kontra iligal na droga sa syudad kan Legazpi.
An operasyon, ikinondusir sa Purok 6, Brgy. 32 – San Roque kan nasambit na syudad na ikinaarestar kan suspek makalihis magpabakal nin sarong pidaso nin selyadong plastic sachet nin pinagtutubudang “shabu” sa poseur buyer.
Nakua pa kan mga operatiba sa suspek an knot tied plastic na may laog na kaparehong item na may timbang na 45 grams kapalit kan PHP120,000 asin may street value na pigkakalkulong PHP306,000.
An suspek, nahahampang sa kasong pagbalgar sa Sec. 5, Article II kan Acta Republika Numerado 9165 o Comprehensive Dangerous Drugs Act of 2002, asin nasa kustodiya na kan hepatura kan pulisya sa nasambit na syudad para sa magkakanigong disposisyon.
