CAMARINES NORTE – Hindi pa rin pinahihintulutan ang mga bisita sa loob ng Kapitolyo Probinsyal upang mapanatili ang mahigpit na pagpapatupad ng health safety protocols sa COVID-19.
Paliwanag ni Atty. Don Culvera, Provincial Legal Officer /Unified Incident Commander ng CamNorte IMT, maliban lamang kung ang mga bibisita ay may mahahalagang sadya sa mga tanggapan tulad ng mga sumusunod: Provincial Treasurer’s Office, Provincial Assessor at Provincial Legal Office.
Habang simula kahapon, May 25, 2021 , ang mga dati nang nagtitinda at nagdedeliber ng pagkain sa ilang tanggapan ng pamahalaang panlalawigan ay pinahintulutan ng makapasok subalit sa isang bahagi lamang ng Freedom Park, na itatalaga ng IMT
Kung matatandaan, pansamantalang ipinagbawal ang pagpasok ng mga vendors sa alinmang tanggapan sa Kapitolyo kung saan hanggang sa main entrance lamang ihahatid ang kanilang pagkain o order at doon na lamang kukunin ng kawaning nagpadeliver
