Anaa sa napulo sa 6,100 ka mga person deprived of liberty (PDL) sa Cebu City Jail (CCJ) Male Dormitory ang nagpositibo sa Human immunodeficiency virus (HIV).
Matud ni Jail Officer 3 Blanche Bation Aliño, information officer sa Cebu City Jail nga ang mga PDL hugot na usab nga gimonitor ug gihatagan ug saktong treatment sa tabang sa Department of Health Central Visayas (DOH-7).
Gibutyag ni Aliño, nga matag adlaw’ng Biyernes adunay awareness program ang DOH-7 sa mga PDL arun masayod sila unsaon paglikay nga dili matakbuyan sa HIV.
Giklaro sa opisyal nga ang mga nagpositibo sa HIV nakuha nila gikan sa gawas, sa pakighilawas ug ang paggamit sa nubain o nalbuphine hydrochloride.
Hinoon ang mga adunay HIV wala nila gilain ug butang arun walay diskriminasyon apan kanunay ang ilang pahimangnu ilabina sa mga ‘bayot’ nga dili makighilawas sa ilang kaubang peniriso.//
