NAGA CITY- Mga bata ngayon ang karamihang tinatamaan ng COVID-19 sa Naga City base sa tala ng City Health Office, kumpara sa mga may edad na.
Pagbabakuna sa mga edad 5-11 anyos ang pinaghahandaan ng Naga. Pebrero 4, ang nais ng pamahalaan na simulan na ang pagbabakuna sa naturang age group. Sinabi ni National Task Force Against COVID-19 Chief implementer Carlito Galvez Jr. na dapat mayroon nang mga meeting at training ngayong linggo para sa paghahanda sa isa pang pediatric population.
Sa kabila ng mabilis na pagtaas ng kaso ng sakit mababa ang hospital care utilization rate o kakaunti ang kailangan dalhin sa ospital sa lungsod. Ito ay ayon kay Willy Prilles ng City Planning Office at Analytics Team.
Una nang sinabi ni Dr. Borja na ikinakabit nila ito sa pagiging bakunado.
