Malipayon ang mga mangunguma sa Capiz matapos nakabaton sang makinarya gikan sa gobyerno probinsyal.
Gintugyan ang 19 ka four-wheeler tractors sa 30 ka kwalipikado nga mga asosasyon sa probinsya kag munisipalidad sang Pontevedra sa idalom sang Rice Competitiveness Enhancement Fund Mechanization Program sang Department of Agriculture. Suno kay Gov. Fredenil Castro, handom niya nga madugangan pa sa masunod nga tuig ang mga makinarya agud indi na mag-import sang palay sa guwa sang pungsod.
Tuman naman ang pagpasalamat sang mga benepisyaryo bangud mapahapos na ang ila pang-adlaw adlaw nga pagpanguma. Nahibaluan, ang mga makinarya nga ginbakal ang nagabalor tanan sang P135,000,000. | Judy Ann Juare