LEGAZPI CITY – Maabot sa 14 opisyal nin Philippine National Police Bicol asin 14 man na mga ayam na serbisyo kan PNP an nagtapos makalihis sindang isairarom sa 90 araw na Combat Tracking Course.
Segun kay PNP Bicol Regional Director Police Brigadier General Andre Perez Dizon, magigin katuwang kan pulisya an mga ayam sa paglilibot, pag-iinspeksyon sa mga lugar siring kan mall, internal security operations asin iba pang aktibidad tanganing masiyerto an seguridad kan publiko.
Segun pa kay Dizon, dakulang tabang an ayam sa publiko tanganing magkaigwa nin takot an mga mabalo magibo nin maraot sa lugar asin protehiran an publiko.
