Maglalabas ang Metro Manila Council ng isang resolusyon na humihikayat sa lahat ng LGUs sa Metro Manila na pagbawalan ang taumbayan sa paglalangoy sa tubig-baha.
Ito ay bilang tugon sa tumataas na kaso ng leptospirosis sa NCR kasunod ng pananalasa ng habagat at Bagyong carina.
Sa statement na inilabas ni MMC President at San Juan City Mayor Francis Zamora, makikipag-ugnayan siya sa mga alkalde para magpasa ng ordinansa hinggil sa mga parusa sa mga lalangoy sa baha.
Sa pamamagitan raw nito ay mabisang matutugunan ang mahigpit na alalahanin sa kalusugan at masisiguro ang kaligtasan ng lahat ng residente sa Metro Manila.
#
