MIPAILAWOM sa neuropsychiatric tests ang pipila ka police officer sa sa GenSan City Police Office (GSCPO). Matud ni Police Col. Nicomedes Olaivar Jr., director sa General Santos City Police Office (GSCPO) prayoridad nila ang paghatag og mental health wellness sa mga sakop.
Giangkon ni Olaivar Jr., nga ‘stressful’ ang trabaho hinungdan kinahanglang matutukan ang mental health problema partikular na ang depresyon. Kini ang hinungdan sa regular nga neuropsychiatric test sa mga personahe. Sa datus sa GSCPO, pipila ka mga personahe nila ang nag-atubang og mental health problema nga kasamtangang giatimang sa health service sa PNP.
Samtang atong 2021 base sa datus sa World health Organization naa sa 100 milyon katao ang nakasinati mental disorders sa Western Pacific region lakip ang Pilipinas. Sa susamang tuig, base sa Department of Health naa sa 3.6 milyon ka pilipino ang nag-atubang og mental health issues lakip ang depresyon. I Richel Gubalani
