LEGAZPI CITY – Sarong menor de edad o child in conflict with the law (CICL) an nadakop kan Legazpi PNP sa paagi nin manhunt operation sa Purok 1, Brgy. Rizal, Legazpi City.
Napag-araman na an CICL iyo an provincial most wanted person sa Albay na residente kan nasambit na lugar.
Naarestar ini sa kusog kan mandahamiento de aresto para sa kinakahampang kaning mga kaso kaibahan an pagbalgar sa Section 10 (A) kan RA 7610 o pang-aabuso na may piyansang PHP80,000 asin apat na punto nin panlulugos na warang inirekomendar na piyansa.
Presente na ining nasa kustodiya kan CSWD para sa magkakanigong disposisyon.
