Tuman ang kakulba nga nabatyagan sang isa ka 15-anyos nga babayi matapos gina-alegar gintuyo kidnapon sang wala makilala nga lalaki/ kag gindala halin sa Dumalag pakadto sa Pontevedra, Capiz.
Base sa panaysayon sang nakakita sa bata nga si Nene Hicalde, nakita sini ang bata gab-i sang Mayo 20 sa guwa sang isa ka resto bar nga nagahilibion kag sang iya ginpamangkot didto nahibaluan nga residente ini sa banwa sang Dumalag.
Dugang pa sini, nadulaan sang animo ang bata tungod wala ini nakakaon bilog nga adlaw. Gilayon naman nga nagpangayo sila sang bulig sa mga otoridad agud makontak ang pamilya sang bata, samtang, madasig nagpalagyo ang suspetsado sakay sang iya motorsiklo matapos nagtribukaho ang iya nga plano.| Ken Mark Gicalde
