LEGAZPI CITY – Uminabot na sa walo an nairehistrong insidente nin kasulo sa syudad nin Legazpi ngunyan na bulan kan Mayo segun sa Bureau of Fire Protection (BFP) Legazpi City.
Sa intrevista kan Brigada News FM Legazpi kay Senior Fire Officer 3 Madonna Rempillo kan nasambit na opisina, sinabi niya na kaibahan sa mga kadalasang kawsa kan insidente an mga electrical-related o nabayaan na pigluluto asin padagos paman an imbestigasyon sa mga ini.
Pangapodan ni Rempillo na mag-ingat an gabos lalo na ngunyan na mainit an panahon, asin kun may manutarang kasulo, tulos ining i-report sa saindang opisina.
