Arestado ang isang menor de edad matapos itong makumpiskahan ng hinihinalang marijuana sa ikinasang drug buy-bust operation sa Barangay San Andres, Candelaria, Quezon nitong Miyerkules, Abril 24.
Batay sa report, nakabili ang isang poseur buyer ng hinihinalang marijuana sa suspek na nagresulta sa kanyang pagkakaaresto.
Nasamsam sa suspek ang mahigit dalawang (2) gramo hinihinalang marijuana at ang buy-bust money na ginamit sa operasyon.
Kasalukuyang nasa kustodiya ng awtoridad ang suspek na nahaharap sa kasong paglabag sa Republic Act 9165 o Comprehensive Dangerous Drugs Act of 2002.
