LEGAZPI CITY – Handang-handa na ang Albay Public Safety and Emergency Management Office (APSEMO) sa posibleng pagtama ng bagyong Paeng sa lalalwigan ng Albay.
Sa panayam ng Brigada News FM Legazpi kay Dr. Cedric Daep, ang head ng nasabing opisina, sinabi nitong, inalerto na ang lahat ng MDDRMO, CDRRMO at BDRRMO sa lalawigan sa gagawin paglikas ng mga residente ngayon araw.
Aniya, 24/7 na ring naka-standby ang mga ito sakaling magpatupad ng mandatory evacuation sa mga barangay.
Sa ngayon kasi pinag-aaralan pa ng opisina ang tinatahak na direksyon na tatamaan ng bagyo sa rehiyon upang malaman kung sino ang magiging prayoridad na ililikas sa barangay.
Umaasa ang opisyal na wala nang residenteng makikipagtigasan sa pamahalaan sa paglilikas patungo sa nasabing pasilidad upang makamit ang zero-casualty sa bagyo.
