LEGAZPI CITY – Nakapagrehistro nin maabot sa 400 na pagresponde sa aksidente sa tinampo an lokal na gobyerno kan Camalig sa paagi kan Municipal Disaster Risk Reduction and Management Office (MDRRMO).
Basado ini sa datos na ipiniluwas kan MDRRMO, kun sain sa 1,041 na insidente na saindang pigresponderan, 41% digdi an konektado sa road crash incidents asin medical transport, 44% sa patient transport asin 15% sa medical transport.
Mientrastanto, pigpresentar man kan opisina an manungod sa Local Disaster Risk Reduction & Management Fund Investment Plan para sa taong 2025, kun saim kaiba sa planong ini an pag-install ki CCTV na makakatabang sa pagmonitor kan mga katubigan, pagdeploy nin automated weather system, pagtataong nin tabang-pinansyal, implementasyon kan 24/7 infocast/textblast services asin iba pa.
