Daina E. Gerona
Pilason ang isa ka tricycle driver matapos nga ginbuno ginabulubanta las-6:45 sang gab-i, tinalikdan nga adlaw, sa Hacienda San Roque, Brgy. Gargato, banwa sang Hinigaran.
Ginkilala ang biktima sa kay Renato Magquilat, 45-anyos, pamilyado, samtang ang suspetsado naman amo si Ryan Garcia, 43-anyos lunsay mga residente sang Prk. 4, Brgy. Gargarato sa amo man nga banwa.
Sa imbestigasyon sang Hinigaran, basi sa panalaysayon zsang biktima nga ginpilit ini sang suspetsado sa Pag sulod sa bisyu nga paggamit sang illegal nga druga, apang nagpamalibad ang biktima sa rason nga siya ang may pamilya kag kabata-an.
Bangud, nga Indi madala ni Ryan si Renato, ini ang Iya hunggod nga ginbantayan kag ginbuno sa wala nga bahin sang kilid, gamit ang bladed weapon nga 12 polgada. Gilayon man nga gindala ang biktima sa hospital para sa nagakaigo nga medikal atensyon.
Sa karon, magapangatubang naman sang kaso nga Attempted Murder si Ryan Garcia nga nakahunong sa Hinigaran Municipal Police Station.
