Lima sa bawat sampung Pilipino ang naniniwalang hindi sapat ang tinatanggap na sahod ng mga guro sa mga pampublikong paaralan.
Ito ang lumabas sa isang Pulse Asia survey na kinomisyon ni Senate Committee on Education chairperson Win Gatchalian.
Ipinunto ng mambabatas na napapanahon nang iprayoridad ang panukala na layong taasan ang monthly salaries ng mga public school teachers.
Ayon kasi sa survey, 50% ang naniniwalang ‘underpaid’ ang mga guro; 37% ang nagsasabing sapat lang ang kanilang mga sahod; habang 3% naman ang naniniwalanag ‘overpaid’ ang mga ito.
Isinagawa ang survey nitong June 24-27 sa 1,200 na mga respondents.
#
