Walay komento nga gihatag si Davao City Mayor Sara Duterte-Carpio sa giluwatang pamahayag ni Presidential Spokesperson Harry Roque kalabot sa “No Bakuna, No Ayuda”:
Sigon sa Mayor atol sa interview sa disaster radio, nga maghulat ang lokal nga panggamhanan kung unsay ipakanaog nga mando gikan sa IATF nga gipaagi sa mga national government offices.
Kung duna matud pay susamang mando tumanon kini sa City LGU apan kung wala, wala usab nga pahayag ang Mayor.
Kahibaluang giluwat ni Spox Roque ang sugyot nga walay makuhang ayuda ang si kinsa mang magdumili sa pagpabakuna partikular ang mga myembro sa 4P’s human natala nga anaa lamang sa 30 porsyento ang andam magpabakuna.
Apan giklaro ni Roque nga sa karon pabilin pang boluntaryo ang vaccination ug posible kining himoon kung dunay bag-ong ayuda nga ihatag ang gobyeryo ilawum sa Bayanihan 3 Act.BNFM-DAVAO
