Naghandom og balaod si Mayor Sara Duterte Carpio nga mohatag og mas taas nga sweldo ug binipisyo alang sa mga barangay workers and volunteers.
Kini human nalantawan sa mayor ang dakung papel sa mga barangay workers panahon sa pandemya.
Matud ni Mayor Inday dili angay motrabaho ug walo ka oras ang mga barangay workers and volunteers gumikan gamay lang ilang suhulan bugti sa walo ka oras nga sirbisyo sa mga programa sa gobierno.
Tungod niini, niingon si Mayor Inday nga panahon na sa kongreso aron diskusyunan ang standardization sa sweldo sa mga barangay volunteers .
Dugang butyag sa mayor nga ang mga volunteers sa Davao motrabaho kini sa dili molapas sa tulo ka oras tungod anaa usab ang mga Barangay Nutrition Scholar (BNS), Barangay Health Worker (BHW), ug Barangay Kagawad nga nibarug usab isip mga volunteers busa kinahanglan matud pa nga hatagan usab sila ug saktong sweldo.BNFM-DAVAO
