Opisyal na nga magsugod karong adlawa Pebrero 8 ang campaign period sa mga mikandidato sa national post para sa 2022 National Election.
Kalabot niini, maglusad og tagsa-tagsa nga proclamation rally ang mga boot mopapili sama nilang presidential aspirant Ferdinand ‘Bongbong’ Marcos Jr. ug running mate nga si Davao City Mayor Sara Duterte-Carpio sa Philippine Arena sa Bocaue, Bulacan.
Sa Plaza Quezon, Naga City sa Camarines Sur usab ang proklamasyon sa tambalan nilang vice president Leni Robredo ug senator Francis Pangilinan.
Samtang si Manila Mayor Francisco “Isko Moreno” Domagoso ug ang iyang running mate nga si Dr. Willie Ong sa kartilya ng katipunan, dool sa Manila City Hall.
Gawas niini, sa grandstand sa sa Imus, Cavite ipahigayon pagsugod sa kampanya nilang presidential aspirant senator Panfilo Lacson ug si president Vicente Sotto III.
Ang proclamation rally nilang senator Manny Pacquiao ug vice presidential running mate nga si Lito Atienza himoon sa oval stadium sa General Santos City dinhi sa Mindanao.
Si presidential aspirant Leody De Guzman ug running mate nga si Walden Bello sugdan ang pagpangampanya sa bantayog ng mga bayani sa Quezon City.
Alayon niini gimando nang daan ni PNP Chief General Dionardo Carlos sa tanang sakop nga siguruhon luwas ug hapsay ang pagsugod sa pagpangampanya. Ang mga official candidate lamang ang hatagan og police escort sa PNP nga limitado lang usab sa duha kabuok. BNFM-DAVAO
