GIREKOMENDA sa usa ka konsehal ang pagbutang og mass vaccination site sa nagkadaiyang barangay sa GenSan. Kini aron paspas nga mabakunahan ang mga residente sa barangay ug malikayan ang pagpunsisok sa mga vaccination site sa siyudad.
Sa pag-atubang ni Barangay Apopong Kapitan Paulo Natividad sa konseho atol sa sesyon Martes sa buntag, giangkon niini nga kulang ang alokasyon sa bakuna sa iyang barangay asa naa lang sa 150 katao matag adlaw ang ilang nabakunahan.
Ang nasangpit nga barangay ang usa sa labing daghan populasyon ug kinahanglan matud pa nga hatagan sila og dugang alokasyon. Kahibaloan nga pipila ka barangay sa GenSan ang natanggong ang paghatag og ‘first dose’ sa bakuna tungod sa kawad-on og vaccine allocation. ( Richel Gubalani)
