GIANGKON sa labaw sa Department of Health (DOH) sa Soccsksargen nga ubos pa ang ihap sa nabakunahan gikan sa ‘vulnerable’ group. Rason sa panawagan niya sa mga LGU’s nga pakusgan pa ang kampanya aron maawhag ang naa sa A2 ug A3 priority group nga magbakuna.
Matud ni Dr. Arestides Concepcion Tan, director sa DOH-12 nasayod siya nga daghang og senior citizen ug adult with comorbidities. Ang nagduha-duha sa pagpabakuna tungod sa mga balita nga dunay namatay human gibakunahan kontra Covid-19.
Apan gisiguro niini nga luwas ang mga bakuna nga iturok sa tanan ug tumong sa gobyerno ang makab-ot ang population protect. Giklaro ni Tan nga kung makab-ot na sa rehiyon ang 70 hangtud 80% nga population protect sa katapusan sa tuig.
Mahimo nang ‘confident’ ang tanan batok sa unsa mang variant sa nasangpit nga virus. Samtang, Lunes dihang miabot sa GenSan ang duganfg 1,560 vials sa Sinovac ug 5,000 vials sa single shot Johnson & Johnson vaccine. Alang sa nagpadayong mass vaccination sa dakbayan. ( Richel Gubalani)
