SUGDAN na sa General Santos City karong adlawa ang mass vaccination sa bata edad 5-11 anyos. Himoon kini sa Rural Health Unit (RHU) sa Rural Health Unit sa Barangay Dadiangas West abli usab sa taga Barangay Dadiangas North, East, West ug South.
Abli usab ang vaccination site sa mall partikular na sa SM nga nahimong partner sa vaccination rollout. Magdala og photocopy sa PSA Birth Certificate, Valid ID sa ginikanan oguardian (18 pataas ang edad), ballpen asa ang mga nakapalista nga mga bata.
Gikan sa pagsugod sa pagbakuna sa mga bata, naa na sa 70 ka bata sa GenSan ang nakaangkon og unang dose sa Pfizer vaccine. Sa tibuok Soccskargen region, base sa datus sa gikan sa Department of Health (DOH) 12 nakalabay’ng semana naa sa 11,077 ang nabakunahan. Nanawagan si Dr. Rochelle Oco, City Health Officer sa mga ginikanan nga pabakunahan na ang mga anak batok Covid-19.
Naa usab sa vaccination site silang Dr. Karl Igrobay sa RHU Fatima ug Dr. Tina Ramizo sa Philippine Pediatric Society. Mahimo usab magpalista una sa RHU o sa LGU website nga Tapat.Samtang sugod gahapon nag-door to door na ang pagbakuna sa eligible population edad 12 anyos pataas. I Richel Gubalani
