Kapin sa P544,000 nga balor it shabu ro narekober sa buy-bust operation sa Brgy. Lapayon, Leganes, Iloilo kahapon, Agosto 30, 2022.
Ginkilaea ro suspek nga si Jeffrey Gustilo y Pudadera, High Value Individual, 33 anyos ag residente it Brgy. Poblacion, Leganes, Iloilo.
Naaresto ro suspek it gintingob nga pwersa it Iloilo Police Provincial Office ag Philippine Drug Enforcement Unit.
Nakumpiska man sa suspek ro P7,500 boodled money ag buy bust money, an-um ka heat sealed plastic sachet it suspected shabu nga may timbang nga 80 grams ag nagabalor it P544,000 ag iba pang paraphernalias.
Nagapangatubang ro suspek sa kasong pag eabag sa Republic Act 9165 o ro Comprehensive Dangerous Drugs Act of 2002. / ANN DESLENE SALAZAR
