Kapin sa masobra sang milyong pisong balor it shabu ro nasabat sa ginpatigayun nga buy bust operation kabii sa Commission St., Brgy. Benidicto, Jaro Iloilo City.
Ginkilaea ro mga naarestong suspek nga sanday Gian Paolo Badilla Riosa alias “Paolo”, 39 anyos, ginakabig nga High Value Individual (HVI) nga residente it Poblacion Banate Iloilo ag presenteng nagaistar sa Commission Civil St., Brgy. Benidicto Jaro Iloilo City ag si Sachiko Gumata Nakata alias “Che- che”, 33 anyos, nga sangka Street Level Individual (SLI) ag residente it Brgy. Calumpang, Molo, Iloilo City.
Naaresto ro mga raya it gintingob nga pwersa it Regional Police Drug Enforcement Unit 6, Station Drug Enforce Team it Iloilo City Police Station ag Philippine Drug Enforcement Agency, Regional Office 6.
Nasayuran nga nagbaligya ro mga suspek it sangka sachet it suspected shabu nga nagabalor it P20,000 sa sangka Police Poseur Buyer nga nagresulta sa andang pagkaaresto.
Narekober pa kanda ro 22 ka medium heat-sealed transparent plastic sachet, 2 ka bigheat sealed transparent plastic sachet nga parehong may sueod nga puting crystalline substance nga suspected shabu ag nagatimbang it 175 grams nga nagabalor it P1,156,000.00, daywang unit it cellphone, sangka pouch, kulay navy blue nga mini volt box, mga drug paraphernalia ag buy-bust money.
Ro mga akusado hay gindaea sa Iloilo City Police Station 3 custodial facility para sa dokumentasyon ag tamang disposisyon ag nagapangatubang sa pag eabag sa R.A. 9165 o Comprehensive Dangerous Drugs Act of 2002. / ANN DESLENE SALAZAR
