Naga abot sa P11,250 ro estimated damages sa natabo nga sunog sa sangka residential house ag vulcanizing shop sa Poblacion, Malinao, Aklan.
Raya hay base sa BFP operations manual nga ginpatigayun it Bureau of Fire (BFP-Malinao).
Sa interview it BRIGADA NEWS FM KALIBO kay F02 Jay Roewen Teodosio, PIO it BFP Malinao, ro nasunog nga baeay ag talyer hay ginapanag iyahan ni Bernabe Gumban.
Madasig segun nga nag eapta ro kaeayo bangud sa may mga baligya raya nga goma ag oil sa nasambit nga vulcanizing shop.
Owa man it nailistang naninahan o casualty sa sunog.
Padayun man ro ginahimo nga imbestigasyun it BFP Malinao sa ginhalinan it sunog. // ANN DESLENE SALAZAR
